VW Polo CL Klein-/ Kompaktwagen

Sodala, das i do moi a gscheite Beschreibung ausse hau!

Es haundlt se um an VW Polo BUNNY CL VFL Bj.86/5 in der Farbe Beige, genaue Bezeichnung hob i ned im Kopf. Des Foahzeig hot nu Pickal bis Mai + 4 Monate Übazug. De Karre is mit a weng üba 100000km (km kennan se ändan, is a Daily) relativ guad beinaund. Rost is so guad wia a Fremmdwoat, an da Reserveradmüidn hob i a weng wos aussbessat, sunst is a am Untabodn zimle Fein. Ea gherat auf jeden Foi am Untabodn nu konsaviat, wos i vl. eh nu söwa moch, je noch dem. Natirle hot a Auto mit fost 40 Joah am Bucki, a seine Narben dea Geschichte, de i oba eis Patina bzw. zeitliche Karaktermerkmale woahnimm. Des hasst, da rechte Kotflügel vuan is Nochlackiert und des in an aunderem Beige, genauso hot a ba da rechtn Einstigstia an Riss im Lack, wos draufhindeit, das duat moi Kitt woan is, des gaunze wiad bei näherem Betrochtn duch den Fakt ana Nochlackierung auf da kopletten rechtn Seitn untastrichn und deitet in Summe auf an leichtn Unfoischodn rechtsseitig hi. A is des Batteriefoch Duchgrost, vermutle a ausgrunnane Batterie in da Vagaungenheit. Genauso is am Heckblech des a oda aundare Rostloch. Oba nix wos ned zum richtn wa. Nochdem i scho a weng a Göd des Joah einegsteckt hob, is des fia mi a des Joah ka Thema meah. Ansich is des Auto fia mi a 3 bis 3+. Innenausstottung woa fia mi da absolute Kaufgrund: braunes Amaturenbrett und Beige Sitzstoffe. Hoizapplikationen im Innenraum san fa mia söbst gmocht und aubrocht woan. Auto hot auf jedenfoi im Friahjoah einige Neiteile griagt und Problemlos is Pickal grigt, Öle und Flüssigkeiten inklusive. Jo da Polo is ned perfekt oba a guade Zeitzeuge mit Patina, wia i mas zumindest voastöh.
Motor is a 50 PS NU, wenn mi ned ois deischt, eha sötn, und hot an neichn Nochbauvagasa aus made in China bekommen.
Ma siagt am Text i hob a Heaz fia de Karre und übahaupt kann Verkaufzwang, daher a dea hohe Preis mia is a des Weat, und wea de söbe Weatschätzung fia des Auto empfindet wiad den Preis a vasteh bzw. a bereit sei zu zoihn.

Gean auschaun kemm und a Büd mocha da Preis is sicha nu in an minimalen Rahmen voa Oat vahaundlboa.

P.s.: Fia olle Polokenna Brösselroah komplet voahaundn!!!, und des Batterefoch und Heckobschlusblech san va mia moi mit Rostumwaundla beoabeit woan und daun folieat, damit des gaunze moi hoibwegs den Wettabedingungen staund hoit fias easte.

Wüad a gegen an Käfa oder Mercedes Düdo tauschen, natirle a mit Pickal!

Aktuell sind Alufelgen montiert, Fotos folgen, sind aber nicht typisiert. Was aber kein Problem darstellen sollte. Da die Reifen und Felgendimension schon im Typensxhein vorhanden sind bzw. Es sich, um eine zeitgemäße Felge handelt wofür ich aich das passende Gutachten habe. Reifen sind vl 3000 km gefahren, also so gut wie neu.
.